HJALTI JAKOBSSON

Ég starfa við hugbúnaðargerð hjá Hugsandi mönnum og stunda nám við Háskólann í Reykjavík. Ég reyni að nota frítímann minn í að ljósmynda. Einnig sé ég, ásamt fleiru góðu fólki, um vefinn Rjóminn.is þar sem hægt er að lesa dóma og greinar um tónlist.

LJÓSMYNDUN

Ég hef lengi haft mikinn áhuga á ljósmyndun en hafði aldrei reynt almennilega fyrir mér fyrr en ég keypti mér almennilega vél sumarið 2003. Síðan þá reyni ég að slíta mig reglulega frá tölvunni og fara út og taka nokkrar myndir.

08.09.2004 18:19 | ALMENNT

FLUTTUR OG FLEIRA

Jæja, þá er maður loksins búinn að uppfæra vefinn hjá sér enda kominn tími til.
Margir búnir að kvarta mikið yfir letinni í mér. Annars er bara allt fínt að frétta, ég flutti um síðustu mánaðarmót (júlí/ágúst) í litla íbúð á Bergþórugötu. Þetta er einmitt íbúðin sem Hörður, Anna Jóna og Högni bjuggu í. Já og svo er skólinn byrjaður og maður hefur minni tíma fyrir vinnu og enn minni fyrir ljósmyndatúra.

Annars setti ég inn tvö ný albúm, annað er frá því ég fór til Akureyrar um helgina og myndaði smá með Trausta og hitt er svo bara allt mögulegt sem ég hef verið að taka frá því ég uppfærði síðast.

Kveðja,
H

SVÖR FRÁ LESENDUM (1)